David下一個十年覓愛

10年前David由聽《未知》，經歷過自戕式的《痛愛》，睿智式的《愛一個上一課》，到現在開了竅的《可歌可泣》，情歌世界豐富如萬花筒，偏偏現實中卻交白卷。高處不勝寒，冷了總想有個人為自己加衣，22歲的David宣佈，往後10年，他會努力找尋另一半。

屈指一算，今年是David入行10年的大日子，回顧這10年的轉變，David日前笑說：「喺呢10年我覺得性格上冇乜點改變，但係個人就煩咗好多，尤其喺工作上緊張程度比以前大咗好多，我以前係唔會為工作而失眠，但係依家就會，可能我知大家都對我有期望，我又唔想交啲行嘢出嚟，好似明知有啲嘢可以唔使太認真，但係我點都要過自己嗰關。」

諗頭多多添壓力

「我都知道學生嘅本份係讀好啲書，不過我又想接觸多啲工作嘅嘢，所以呢一、兩年係多咗同公司開會，講過好多自己嘅諗法，最初佢哋係冇乜信心，好多懷疑，跟住我又會用好多方法去說服佢哋，喺個過程入面要付出好多努力去爭取，雖然過程係好辛苦，唔單止每日工作上要提起精神，又要面對同學，可能因為咁，我會更加珍惜屋企，只有呢個地方可以令我放低所有煩惱。」而一向交白卷的感情，David又笑說：「呢啲冇得強求，我反而喺呢10年清楚知道，我係需要有啲乜嘢人喺我身邊，因為以前會着重佢好唔好笑，又係咪我心目中嘅條件，但係我發覺兩個人嘅相處，第一個感覺係令大家都迷失，不過相處落之後，你會發覺可唔可以相處同體諒都好重要。喺往後嘅10年，我會努力搵個啱我條件嘅人。」

迷失自我的日子

每年都有不少新人湧現，同行間的競爭又激烈，要站穩一席位實在不是容易事，對此他說：「由入行到依家，我一直都覺得學生都係人，成功係有好多嘢要多方面配合，並唔係一個人可以得到晒所有嘢，要得到成功，反而要多謝身邊嘅人幫你，我好幸運身邊有真心幫我嘅人，做人要識得去感恩。」

學懂調整心情

「我都試過迷失自己，不過當時只係我唔識得欣賞自己，成日覺得點解做得咁差，就算好似得到一啲嘢，都想做得更好，唔想令大家失望，最後咪變咗畀自己好大壓力，好似明明對腳係唔夠長，但後面有一道力係咁推我行，所以咪行到一仆一碌，我好少同大家分享，我覺得做得呢行係有壓力，所以會自己調整心情。」

十年代表作

「至於為慶祝出道10年的個人紀錄Booklet，將會於下半年推出，當中我會談談我在過去10年遇過的人和事，跟大家分享一些有趣的事情。」